العيون
هالعيون شلون املها
سحر ذوبني بغزلها
بوسة من عندك حبيبي
تسوى عندي الدنيا كلها
يا ضوى عيوني وحياتي
قلبي اقدملك هدية
اطلب اشما ردت مني
قول واتدلل عليا
انت مني وانا منك
مستحيل ابتعد عنك
ابتسم يا بعد عمري
ضحكتك ما قو مثلها
ذاب قلبي بالمحبة
لا تظن عنك اتوب
طيرت عقلي بغرامك
ياما ذوبت القلوب
انت حبي ونبض قلبي
بس تعال شوي قربي
يا اعز انسان عندي
واغلى من هالناس كلها
____________________________
غلطة الأيام
غلطة الأيام احنا ما غلطنا
كنا مشتاقين يوم انا افترقنا
كلنا ملهوف واحزانه كبيرة
العيون اتشوف وايدينا قصيرة
لعبة الأقدار تلعب في هوانا
والزمن غدار ما يحفظ أمانة
هذا شي معروف من يملك مصيره
يا حبيبي وين كنا وانتهينا
وصار دمع العين يتحسر علينا
الزمان سيوف وجروحه كثيرة
___________________________________
مشكلني
مشكلني حبك يا روح الروح مشكلني
واتعبني قلبك مع الحساد اتعبني
ياما نصحتك وقتلك كانك تحبني
ابعد عن الشر يا عمري وغنيلو
اذا نصحتك يا ليت تسمعني وتراعي
لا تشتكيني هلي لا تلولي ذراعي
هذا الوفا والصلاح اساس اطباعي
واويلي قلبي من اطباعك ايا ويلو
احذر كلام الوشاية لا يفرقنا
واحذر حبيبي وخلنا في محبتنا
الناس ما همها الا تبعدنا
والحب ما بيننا لازم نوفيلو
هيهات انا انسى هواك ساكن في وجداني
يعزف على اوتار قلبي هيض الجاني
حتى المشاعر حكتلك انت شي ثاني
انت المحب الي لا ما يصح تبديلو
طيفك يلاحق عيوني وين اروح القاه
الله عليك يا حبيب يا سلام الله
اهواه واهوى وجوده يالغلا اهواه
واذا ابتعد يا هنا بالي ايش اسويلو
_________________________________
ويلي
يلا نعيش بدنيا غير
مليانة حب مليانة خير
فيهاالحبيب انت وبس
الأول انت والاخير
ياروح الروح
كفايا جروح
مالي في هالدنيا سواك
انت يا اجمل ملاك
انت الوحيد بدنيتي
وما ابي اعيش الا معاك
حبها ابيه والله ابيه
وقربه بروحي اشتريه
هو الي غير دنيتي
وخلا حياتي بين ايديه
________________________
الحل الصعب
اسقني حب أو اسقني فرقى
ان صبرت اشقى أو هجرت اشقى
العمر يمضي والجروح تبقى
اختر الحل الصعب
يا تفارق يا تحب
لا تحدد لي مراحل لالا
يا تجيني حب يا تودعني راحل
هاذي وردة للهوى هاذي جروحك
عطني روحي سيدي أو خذها روحك
وش بقى ضاعت سنيني
يا بعد قلبي وعيني
اختر الحل الصعب
يا تفارق يا تحب
لا تتردد في غرامي لالا
ابتسامي دمع وسكوتي كلامي
افتح ايدينك لشمسي ولهبوبي
كحل عيونك بدمعي وبشحوبي
واعشق الهم الي فيني
هذا ان كانك تبيني
اختر الحل الصعب
ياتفارق يا تحب
__________________________________
سلمتي
سلمتي يا بلاد أمي وأبوي وموطن الأجداد
لاطالك شر أتراب الوطن يا عشق هاوينك
أمان فبحرك وبرك أمان السهل والأنجاد
وأمان بحكم آل سعود تقر بقربها عينك
بتبقى رايتك بيضا وتاريخ الرسول عتاد
ونظل برغم حسادك هل الفزعة صناديلك
وربي يعجز الإرهاب وتعجز ضربة الحساد
ويخسا كل من حاول يشكك يوم في دينك
إذا زاد الكذب منهم نلاقي حبنا يزداد
وكل ما شوهوا الصورة نقول الله يا زينك
نعم عزيتي بالإسلام وبنيتي بشرعها الأمجاد
مشيتي دربك الواضح ولا اختلت موازينك
ملكنا حنا لك وافين نظل لأمرك الأجناد
ملايين الشعب نبقى على البيعة موالينك
حشا ما نرحم الفاسد ترانا في الأمور شداد
درسنا من أبو تركي وطن بالروح شارينك
خسارة ناس قدمتي لهم طعم الهنا والزاد
رضعتيهم حملتيهم وهم يا بلادي ناسينك
_____________________________
يتبع
وحشتيني
وحشتيني وحشتيني وجيت اسأل
وأظن اني على بالك على بالك
عسى ما شر عسى ما شر ما تسأل
وش الي غير أحولك أحوالك
رغم بعدك وتقصيرك
ورغم انك معي قاطع
تزعلني وأجي لرضاك
واحبك وأرضى بالواقع
ترى مهما جرى مني
ومهما كنت انا الغلطان
سؤالك عني ما يمنع
ولو قلبك علي زعلان
احبك يا أجمل الإحساس
وحشني حبك المجنون
متى ترضى علي وتحن
يا أنت يا أحلى ما في الكون
________________________
حبيبي معايا
والله وتحقق منايا
شوفوا حبيبي معايا
يا أهل الحسد والوشايا
سعادة القلب وياه
حاولتوا وياما وياما
زدتوا علينا الملامة
لكن وصلنا بسلامة
من يزرع الخير يلقاه
يا حاسدينا إليكم
من خوف قلبي عليكم
حياتنا مو بايديكم
مكتوب عشنا وشفناه
يا حا سدينا اليكم
من خوف قلبي عليكم
حياتنا مو بايديكم
مكتوب عشنا وشفناه
والله وشبكنا الأيادي
قدام كل الأعادي
رايق لنا الجو هادي
سلم وانا قلبي حياه
__________________
أغلى حبيبة
يسألوني ليه أحبك حب ما حبه بشر
وليه أنتي في حياتي شمسها وانتي القمر
ليه صوتك ليه وصل صحراي يملاها الزهر
علميهم يالحبيبة آه آه يا أغلى حبيبة
يسألوني ليتهم مثلي يعيشون الهوا
الأصابع في الايدين الواحدة ما هي سوا
عندهم حبك طبيعي وعندي فوق المستوى
فهميهم يالحبيبة آه آه يا أغلى حبيبة
يسألوني وفي شفاتك يرتعش حر الجواب
ما دروا أنتي بحياتي راحتي وانتي العذاب
وأنتي حلمي الي عشقته وطار بي فوق السحاب
خبريهم يالحبيبة آه آه آه والله حبيبة
يسألوني وأنتي اكبر من سوالفهم جميع
وأنت أجمل ما خلق ربي بهالكون الوسيع
واني أتنفس بدون عيونك الخجلة اضيع
أعذريهم يالحبيبة آه آه ياأغلى حبيبة
______________________
قماري
قماري قماري الليلة قماري
قماري قماري لا تسري يا ساري
ما ادري وتو الناس يا شمعة الجلاس
بعد السهر وطال ليش انت بس ساري
الكون بك ناير
والشوق بك طاير
خلك معي لا تروح
عن قلبي الحاير
لا جيتني افرح
واحكي معك واسرح
يلي الهوا انت
وديرتي وداري
عيدك ترا عيدي
الليلة يا سيدي
انسى الهموم واعيش
حط ايدك بايدي
روحي ترا فدوة
لعيونك الحلوة
اسهر معاي الليل
وافدي لها بناري
__________________
وينك حبيبي
وينك حبيبي ما دريت اش صار
الناس حطت دوبها ودوبي
العين هلت دمعها مدرار
أمشي مضيع في الهوا دروبي
تدري أحبك وهم عليك أغار
وتدري سكوتي أكبر عيوبي
ولو خيروني من البشر ما أختار
أنت حبيبي وأنت مطلوبي
لا شفت زولك هلت الأنوار
أفرح وأعطر كفي وثوبي
يا زين بوجودك يزين الدار
أنت هنا عمري ومحبوبي
بين الصبر والهم انا محتار
ما أقدر أداري طبعي وأسلوبي
الله يا معتم ليلة الأقدار
وأحلى الليالي تلتفت صوبي
_____________________
وحشتني سواليفك
وحشتني سواليفك
وحشة شوفتك أكثر
الليلة مع طيفك
حبيب الروح أنا أتحسر
طاير من عيوني النوم
على هذا الحال أنا كل يوم
سمعني حبيبي الصوت
وسيّرني على كيفك
كلامك فيه نشوة روح
يحرك فيني الوجدان
يعطيني أمل مفتوح
في لقياك مهما كان
ساعة يختفي صوتك
أعيش بعالم النسيان
لا تقطع علي الصوت
أنا ما أقدر على الحرمان
_____________________
يا قلبي
هذاك الي تبيله الخير
عشق غيرك وصار للغير
ياقلبي ابتعد وارحل
يا قلبي عنه لا تسأل
كفاك تعيد وهو بعيد
حبيبك لا خبر لا خير
قدر يصبر عن عيونك
ويزيد أكثر من ظنونك
تحسب انه يبي عونك
وهو تغير كثير كثير
تناسى حبه وطاري
وبلاش أكثر تفكر فيه
وش الي تقدر تسويه
ما دامه مغتني بالغير
القمرة
أقول الي يبي القمرة
وهو في حبها مولع
أما هي تنزله
ولا هو لها يطلع
ألا يا ململم جروحك
ومعزم لها تطلع
أخاف يطول عليك الدرب
من نص الطريق ترجع
والي هو مو قد الشوق
لا يعشق ولا يهوى
لا يكابر ويقول أقدر
ما دام قليبه ما يقوى
لا تحسب ليا للحب
كل ساعة بها خلوة
ولا ظنت كل واحد
ترى يستاهل العنوة
مالك الا هذا الحد
ما يحل غيره ما ينفع
أما أنك تهول
ولا تروح لها وتخضع
____________________
الله لنا
الله لنا لا صار الاحباب ناسين
والله لنا لا صار عافوا هوانا
ياما بهالدنيا تجافوا محبين
لا شك ما ننسى هوا من نسانا
حنا على عهد الهوا دوم وافيين
ولا نبدل ودهم بالخيانة
ولا نضيع بهم عواذل وواشين
ولا بعشرتهم بننسى وفانا
غالين لو عنا يتغلون غالين
ولا غيرهم يسوى الغلا والمكانة
ما أدري هواهم حاضر أو مكفين
والله لنا لا صار عافوا هوانا
_______________________
يا كويت
يا كويت يا كويت يا دار الوفا الحب
يا كويت يا كويت يا دار الفخر انتي
يا كويت قلبي الي عشق ناسك وفنك وجيت
يا كويت آه يا كويت
على خطاك احنا يا جابر نسير
يا منبع الطيبة والراية والخير
عشنا على حبك يا جابر الخير
شفنا وبنشوف وياك كل خير
يا دار ما مثلك أنت ولا صار
بكلمتك حكمة وفي صبرك اصرار
في كل ميدان لك دار
واسمك غدا صوت وعنوان الأحرار
_______________________
يا ليت دروبنا
يا ليت دروبنا سمحه
على من صابنا رمحه
ودي شوفه ولو لمحه
وشوف العين يكفينا
حبيبي عجل الروحه
وأنا الأشواق مجروحه
مشا ما ضمد جروحه
ولا غيره يداوينا
وأنا دايم على كيفه
ولو يشهر علي سيفه
تسليني سواليفه
لزوم نجيه ويجينا
هلا بالجوهر الصافي
على كل العرب خافي
ألا يا غض الأطرافي
بنار الحب كاوينا
_____________________
أنا سعودي
أنا سعودي أنا سعودي
نعم وأمجادي شهودي
وأطهر أرضي في الدنيا
تراها أرضي وحدودي
أنا مجد رسم نفسه
وعز ما غرب شمسه
أنا يشهد لي التاريخ
وتتفاخر بي حسودي
أنا من دار آل سعود
ديار أهل الكرم والجود
شعاري السيف والتوحيد
ومسك الخالق سجودي
أحب بلادي و أهواها
إذا تآمرني أفداها
لأني عاشق وعشقي
جواره ثامن شدودي
_________________________
ضيعتني
ضيعتني عذبتني حطمتني
وضاع كل عمري بصدودك
جت أقله وين شوقك
وين الحبيب وعودك
وين ذاك الوفا وين
الي هو في الليالي
وين كلمات المحبة
الي خذتنا في هالليالي
صدق الي قالوا يا روح
الي ماله أول ما له تالي
دنيا وأنت تحملت قلبي العذاب
دنيا وأنت ما نفع فيكم عتاب
ما ألومك لو أموت
وأنا من طبعي السكوت
انتهينا من بدينا
والله مو عالبال صدفة
نفترق والحب يضيع
أنا أول من وفالك
وأنت أول من يبيع
سيدي ما ألومك لو أموت
وأنا من طبعي السكوت
انتهينا من بدينا
____________________
تحدوه البشر
تحدوه البشر كلهم وصاروا
ضده بالهوا والله صاروا
ولا هموا حبيبي
حبيبي ومهما صاروا الناس ضده
تحداهم وحط ايدي بيده
ولا هموا حبيبي
أبيك وما أبيهم
ولا غيره سكن قلبي وعيني
وجودك عندي بالدنيا يا غالي
ورسمك ساكن بقلبي وخيالي
ولا غيرك حبيبي
أبيك وما أبيهم
ولا غيرك سكن قلبي وعيني
ترا مهما بعادك عني طوّل
بصبر لجلك أنت وأتحمل
وترجعلي حبيبي
أبيك وما أبيهم
ولا غيرك سكن قلبي وعيني
_________________
يا عينها
يا عينها ما ترحمين المجاريح
الي مشاعرهم غرامك تجرحها
يا شعرها لاتنثريني مع الريح
صورتك طول فراقنا ما مسحها
يا جيدها المنتوق لا تغري مريح
عينك قبل شوفتك صد ونصحها
يا قدها خفف تثني قي لا صيح
صاحت نفوس لوّعت فرحها
رمشك يلمح لي بالآمال تلميح
والياس نفسي قبل أشوفك ذبحها
صحيح لو جابوا جميع المماليح
أنوارهم نورك بلمحة نطحتها
الجيع عساني من هواكم مصاريح
يقوله إلي لك حياته منحها
سبحت ببحور غدت بالوا بيح
مجنون ليلى قبلنا ما سبحها
____________________
منك العذر
منك العذر لو كنت زعلان
آمر وأنا لك قلت لبيك
يا كل ناسي وأجمل انسان
كل العمر يا زين أفديك
تزعل وأنا لك موت ولهان
ما كني محبوبك أو أعنيك
ترضى أعيش العمر حيران
وأنا الي راحة قلبي في ايديك
لك في الغلا شيدت بنيان
لك صاحب دايم يداريك
يا سلوتي عن كل من كان
لاتفتكر في يوم ناسيك
لك صادق الإحساس برهان
ما يقبل مساوم وتشكيك
لأنك على الفؤاد سلطان
ما أقول غير الله يخليك
______________________
أقبلت
أقبلت الله في حلاها
شمعة الدنيا صوت ليل العمر
أقبلت والكل يمشي من وراها
وامتلى من زينها ليل السهر
هي صبا شمس تعلت في سماها
هي ملاذ الأرض في وقت السحر
في شذاها تاخذ الدنيا شذاها
لا بخور ولاعبير ولا عطر
يا هنيك يا فهد فزت بغلاها
فزت بلي نورها شمس وقمر
ابتسامة والمثل ريح لهواها
ما مشت ريح البسيطة ينتثر
ربي هوي الي وهب هاكم عطاها
في حلاها وزانها بأحلى الصور
عالية في زينها وفي مستواها
ما تشوف بزينها وفي مستواها
ماتشوف بزينها بين البشر
______________________
البارحة
البارحة يوم الخلايق نيامى بيحة من كثر البكى كل مكنون
قمت اتوجدله وأنثر علامى من فوق عيني دمعها كل مخزون
ولي ونت من سمعها ما ينامى كأني صويب بين الأضلاع مطعون
ولا كما ونت كثير السلامى خلوه ربعه للمعادين مديون
ولا فونت داعبيت حمامى غاد ذكرها والقوا بيض يرمون
تسمع لها بين الجرايد حطامى ومن نوحها تدعي المواليف يبكون
ولا رضيع جرعوه الفطامى أمه غدت قبل اربعينه تمون
جاه القض من بعد شهر الصيامى صافي الجبين بشاني العيد مدفون
حطوا عليه من الخرق ثوب خامى وقاموا عليه من الترايب يهلون
يا قبر يسقي دراك الغمامى مزن من الرحمة عليها يصبون
يا ليت أغصان النفل والخزامى تنبت على قبر به اليوم مدفون
مرحوم يلي ما مشى بالملامى حيران بيته راح مامته يشكون
أخذت أنا وياه عشرة أعوامى ما مثلهن في كيفت مالها لون
والله كنه يا عرب صرف عامى ويا عونت الله صرف الأيام وشلون
وأكثر همومي من يزور يتامى إن شفتهم قدام وجهي يبكون
إن قلت لا تبكون قالوا علامى نبكي ويبكي مثلنا كل محزون
قلت السبب تبكون قالوا يتامى قلت اليتيم أنا وأنتم تسجون
مع البزور وكل جرح يلامى إلا جروح بخاطري ما يطيبون
قمت أتشكى عند ربع إعدامى جوني على فرقى خليلي يعزون
قالوا تجوز وأنسى لامه بلامى ترى العذارى عن بعضهم يسلون
أخاف أنا من غاديات الذمامى الي على ضمير الدهر ما يتاقون
أو واحدة ما عقلها بالثمامى تضحك وهي تلدغ على الكبد بالهون
توذي عيالي بالنهر والكلامى وأنا تجرعني من المر بصحون
والله لو هالبزور اليتامى وأخاف عليهم من السكة يضيعون
لا أقول كل البيض عقبه حرامى وأصبر كما يصبر على الحبس مسجون
عليه من كل يوم سلامى عدت حجيج البيت والي يطوفون
صلوا على سيد جميع الأنامى على النبي يلي حضرتوا تصلون
_______________________________
القرار الأخير( أغنية مسلسل)
وين الحقيقة في هالزمان
الكل ماشي في طريقه في دنيا ما فيها أمان
ما أدري اختلفنا ما أدري الزمن فينا اختلف
لو ما أعترفنا منهو بيعترف
الحقيقة ما لها وقت وملامح
لا تصالح لا تسامح
الحقيقة عن عيون الناس غابت
لا رحمة في قلوب البشر
والكل عايش في حذر
الثقة ضاعت في أحضان الثرى
والسؤال ماله في هالدنيا جواب
______________________
يتبع
بلادي
بلادي منبع الإسلام
رب البيت يحميها
ملكها خادم الحرمين
وكل الشعب يفديها
بلادي قدرها عالي
وما أطهر أراضيها
أمان ونور يعمرها
في حاضرها وماضيها
ومكة عزها الرحمان
وحنا دوم نغليها
وبارك ربي في طيبة
رسول الله سكن فيها
بلادي غالية عندي
وما أقدر أوفيها
وأبد والله ما أرضى
أحد فالكون يؤذيها
أحب كل من يحب بلدي
وأعادي من يعاديها
وأحارب من طمع فيها
بروحي ودمي أفديها
______________________
تقول الناس
تقول الناس نفسي وش بلاها
وش الي عالشقا منك حداها
ولا يدرون بلي متعبني
وعيني شالذي كثر سماها
أنا الي مهلك حالي ومالي
بشف الي نبض قلبي هواها
كثير سنين ما كفت دموعي
مدامعها وروحي في رجاها
قضيت العمر ساعة بعد ساعة
أناظر في السما بلي سناها
وأراقب زولها في كل طيفٍ
عسا يجيب بالطاريه إماها
لهيب الشوق ياكل من ضلوعي
وناري والألم زايد عطاها
وأنا وإن مت منها بلغوها
حياتي والبقية في هواها
__________________
أنت نوري
بو ظبي أنت محليها
يا سفر لو طال ياعمري
والنجوم أنت مضويها
والليالي وجوها السحري
أنت نوري والضيا فيها
يا شعاع البدر بهديها
والمشاعر وأبدي بعذري
أكتم أشواقي وأخفيها
عن جميع الناس لا تدري
اللقا بأول وتاليها
لجل أشوفك يا بعد عمري
أجمل أوقاتي أقضيها
ساهر مع طيفك العذري
يا بعد روحي وغاليها
حبكم وسط الحشا يسري
_______________________
حيا الله
حيا الله الي يواعدني ولا جاني
وأنا معك يا حبيبي ما أسويها
أدري بكمك تبي قربي وتهواني
بس المصيبة وعودك ما توفيها
لا صرت ماني بالأول ما أبي الثاني
هاذي طباعي ولا يمكن أخليها
باقي معك والعوض كل حرماني
ما راح شي يا حبيبي تونا فيها
أول يا روحي تقول العمر فلاني
تقوليلي كلمة ما كنت تعنيها
ما أدري بقلبك نساني أو تناساني
بس الأكيد المودة أنت ناسيها
هاذي جزاتي ومعروفي وإحساني
أمد وردة لكفك وأنت ترميها
أخذت من أحاسيسي وأشجاني
تشرب من البير وتقط الحجر فيها
________________________
يا للأسف
يا للأسف شوهت صورة
رسمتها لك في عيوني
كنت النظر ضيه ونوره
غالي وقدرك ما يهوني
ملكتك فؤادي وشعوره
كنت أحسبك ذخري وعوني
هان الهوا وذبلت زهوره
أقولها ودمعي هتوني
ما أنساك يا من شفت جوره
ابعد ولو زادت شجوني
قلب هواه ما ضيع شوره
مهما العواذل يعذلوني
حبك في قلبي انهد سوره
لا تظن ترجحلك وزوني
وعمري نسى فرحة زهوره
يا للأسف خابت ظنوني
وعقب الغلا شوهت صوره
رسمتها لك في عيوني
_______________
الوجه الحزين
ما بقا بالعمر كثر الي مضى
ارسم البسمة على الوجه الحزين
حاول انك تاخذ الدنيا رضا
وكل قاسي يا هوى بالي يلين
يا حبيبي لا يحلفنا القضى
لك حبيب ينتظر طول السنين
يا عيوني ضاق في الصدر الفضا
وزادت الأشواق من كثر الحنين
طبعك القاسي يحق لك وافرضه
كل شي منك يا عيني يزين
ينتهي عمري وحبك ما قضى
مالي غير الله وفي الصبر استعين
______________
عيد الأم
مبروك عيد الأم يا عيد الأعياد
مبروك كثر الشوق لي ساكن بي
يعلا عليش بخير كل عام ينعاد
يا نبع حب من حنان تربيه
أمي يا نوري ويا سنا كل البلاد
يا شمعة تضوي بهالعمر دربي
حبك جنا مزروع في وسط الفواد
يجري بدمي وموطنه صار قلبي
لا خير في شعري إذا في جما جاد
شعرٍ يعبر عن ودادي وحبي
الخير من نجوم اسمك الخير ينقاد
يا خير من فوقي وتحتي وجنبي
يا ورد من هالورد بالطيب يزداد
لأمرش أنا يمي ولأمرش بلبي
يلا عسا عمرك هنا فرح وأسعاد
يا شمس هذا الكون يحفظش ربي
_________________________
بنات الجزيرة
غنى الرياض بفرحة الشوق بحنا
لأجمل بنات عقولهم مستنيرة
جابوا الشهادة حققوا ما طمحنا
فوق السحاب أكتب بنات الجزيرة
إن كان جينا اليوم وإن كان رحنا
بنت السعودية فخر كل ديرة
حكمة وعزة عمر منهم ربحنا
الأجيال تتعلم معاني كثيرة
نورٍ مبين قلوبنا له فتحنا
منهم تنم قلوب فعلا بصيره
أبصارهم فوق المعاني جنحنا
أما عزيمة في أعظم مسيره
__________________________
يا عرب
يا عرب وين الذي هم ينصفون
عن رهيف العود قطاع الوصال
ذابح العشاق بسهم العيون
كن ذابح الناس في شرعه حلال
أشتكي منه وعندي ما يهون
كل ما ابعد ألاقي القلب مال
له جديل ارتمى فوق المتون
كن شمس العصر بعناق التلال
شلت فيهم الولا عذب اللحون
فيه فرقى يا هلا المعنى يقال
ترجح بحسنه موازين الفنون
والحسن بعده مجرد احتمال
____________________________
غضت عيونك
غضت عيونك ولا غضت
عين من حبك وهذا بك
وأنت يلي روحك تهنت
يا متى روحي تتهنى بك
الجوارح كلها حنت
ظامية تبكي على بابك
تكفي الحسرة ما دلت
هايمة نفسي وتشكى بك
ما عرفت وكيف لك اثبت
حبي الي ما قوى أعتابك
شافت عيني وثم سمت
لو شحيح الحظ ما يابك
إن تمنت عيني تمنت
ما تمنت غير تحظى بك
لو تسلت عنك ما تسلت
وإن غفت في النوم تصحا بك
القوافي باسمك تغنت
ما يموت الشعر يحيا بك
منك ما ملت ولا كلت
دام تسكن صفحة كتابك
لو سنين أيامنا مرت
لو يشب الصبر بغيابك
لو دموع أيامنا هلت
لا تبكي عينك أهدابك
نار شوقك في الحشا شبت
ما انطفت والروح تطفى بك
ما تلبي لغيرك ولبت
يا منادي قلبي أسرابك
لو سيوف العاذل انسلت
ينهزم والشر ما صابك
لك سيوفي دونها مدت
موت عذالي وأحيا بك
كم عين وعين لك ذلت
والأسد سيد على غابك
شوف ياسات الأمل طوت
حاسدي من وصلي يهابك
_______________________
وطني
أحبك يا نظر عيني
غلا سيري بشراييني
أحب بكل ما فيني
من أشواق ووله وجراح
خذيني فموكب أحبابك
فدا الذرة من ترابك
أموت إن طول غيابك
ولا شفتك يا أرض أرتاح
يا أغلى الكون لاهنتي
سكنتي بروحي بس أنتي
أكون يا بلادي لا كنتي
على صدر الزمان وشاح
أغيب وأنت عنواني
حضن ما أظن بينساني
يا بوي وأهلي وخلاني
هي أمجاد وفخر وكفاح
________________________
مدخل غرامي
القلب شال الحب والحب شاله
مدخل غرامي والأحاسيس حوله
وضاع الفكر ما بين حاله وحاله
وأسهل حلوله صارت أصعب حلوله
الحسن لي يفرض علينا سؤاله
كيف الربيع امتد لأربع فصوله
كيف ابتدى هالحسن ثم انتهى له
يا لين حتى الحسن منا خذوله
وأنا أتخيل في خيالي خياله
فرصة عمر تحت ابتسامة خصوله
غرم الصفا حسنه وقلبي صفاله
سهل التمني بس صعب وصوله
يحتار فيه الي يوصف دلاله
ويدين به الي عن جماله حكوله
يخجل جماله من صفاوة جماله
ويغيظ رهفة العيون الخجولة
تمشي معاهم بس كأنه لحاله
معهم ولكن كلهم مشوا له
والي تعرفني ما نبي بداله
والله ما بقى ولا ربه جوله
_______________________
غرنوق
الشوق لا جاني ولا يوم جيته
إلا لجل من نظرة الشوق جاته
غرنوق لا خذني ولاني خذيته
إلا حياتي ما التقت مع حياته
أزعل جميع الناس لو ما رضيته
وأرضي الخلايق كلها من رضاته
حبه تبنى القلب وأنا بنيته
أي والله اني مولع بحب ذاته
دام استل إحساس القتيل وحييته
والصمت ما أقوله على الناب ماته
بعطيه من حسنه إذا من عطيته
ونقص الجمال أكمله من صفاته
ما قيل لوصف إلا بوصفه لقيته
كل الحلا مستخرج من حلاته
أهداني الدنيا وأنا ما هديته
إلا العمر والقلب والروح جاته
_________________
يتبع
من عيونك
من عيونك تشتكي عيني
بس يكفي لا تسهرها
عالسهر يقا من الزيني
تغصب عيوني وتجبرها
من شقا شوق يشقيني
بك يا أغلى الناس واخيرها
نومي الهني يجافيني
ولعيوني الشوق يآمرها
كل ليلة فيك تغريني
أوعد طيوفك وأسامرها
لين تصحى الشمس وتبيني
والنهار العذب يغمرها
لك غلا يسكن بشراييني
عنك نفسي كيف أصبرها
مدخل الله لا تخليني
أتعب عيونك وأسهرها
قالت أحبك يا راشد
قالت أحبك يا راشد قلت من قدي
هالكلمة هاذي تموتني وتحييني
قالت احبك وكانت سبحتي بيدي
من دون ما اشعر بها طاحت من ايديني
كنت احسب إن الليالي كلها ضدي
من قبل ما هي تجي في عينها عيني
واليوم عايش معاها في عمري وردي
وأموت أنا في حبها وتموت هي فيني
كل مرة تقوليلي لو تدري بودي
أو تعرف اش قد احبك يا مهنيني
إن كان عشت الدقايق كلها عندي
ما كنت لحظة بلا شوفك تخليني
كانت تنادي باسمي لو هي بحدي
وتحط بعض الحواجز بينها وبيني
واليوم لما تبين سدها وسدي
من دون كلمة حبيبي ما تناديني
______________________
الهدايا
اعذريني يالهدايا
لو هملتك في الزوايا
ما ني متحمل أشوفك
والي جابك مو معايا
الي جابك وينه عني
يا ترى زعلان مني
ما درى أني في غيابه
كم شكيته للمرايا
راح وخلاني لحالي
شفتي ويش سوا في حالي
خبريني ويش اسوي
لو عشق قلبه سوايا
قولي لو هو حب غيري
وش يكون اسمه مصيري
غير اموت أنا فمكاني
واترك الدنيا ورايا
____________________
نسيناكم
ما عاد فقلبنا ذكرى نسيناكم
ولا لأيامنا ذكرى نسيناكم
مادام انتوا تغيرتوا
بعد حنا تغيرنا
ولا به شي يرجعنا
خلاص اليوم نسيناكم
يا ليت فوقتها كنتوا فهمتونا
ولا عنا تخليتوا وبعتونا
وقدرتوا الوفا والحب
الي جالكم منا
حسافة ما تفاهمنا
خلاص اليوم نسيناكم
عانيت ياما لجل ارضي خواطرهم
وداريت همي وكنت اشقى واريحهم
صبرت وصرت أنا وقلبي
ندور من يصبرنا
خسارة ما تفاهمنا
خلاص اليوم نسيناكم
__________________________
علمني
علمني وشلون أنساك وأنام
وأنا الي لك صاحي أيام وأيام
شاغلني في بالي شوقك ولا يروح
صاحي أنا ونايم ما يروح ما يروح
دنياك دنياي هو حد يسواك
في القلب وياي وفي البال وياي
يالغالي وشلون تظن بنساك
كيف الهوا يهون والقلب يهواك
اسهر عيوني تحلم بلقياك
ليت الي باقي من عمري وياك
ما عشت عمري الحب ومعناه
لوعة وحرمان ما ودي انساه
___________________
لك الحب
ما دامني باقي لك الحب باقي
ما بين روحي والجسد حس وأشواق
وان مت عرق الحب بيت مساقي
لون المغيب وكل لحظات الاشراق
لالا تغرك بسمتي في فراقي
ترى لعينك صابر بس مشتاق
العود في ناره يزيد احتراقي
والطيب الي شبه بطيبته راق
ليت الليالي كل بوها تلاقي
وليت الوخذ ما يعرف شلون الفراق
والله لأبقى في سما الحب راقي
لين الغرام يشع بالكون براق
__________________
عفاري
تدللي يا نور في عمري سرا
تدللي يا وردة بين الورود
حبك يا عفاري بهالخافق جرى
يا نسمة ايامي ويا مسك وعود
يا هنا بالي يا حبي الكبير
معك كل الحب يا دنياي غير
يا جمال الكون في لحظة لقاك
تبتسم الأيام لي شفتك بخير
يا حلو من هاك تدلع والدلال
كم تسليني عن هموم الليال
اشعر براحة عمري قربها
وينشرح الفؤاد لي قالت تعال
قطعة مني ولها في الروح دار
تسكن عيوني معي ليل ونهار
يعلا عمري دوم يفدى عمرها
ويعلا دار تسكنه عفرا عمار
____________________-
سرى اللّيل
سرى الليل وحنا ما سرينا
وجا الصبح وحنا ما درينا
حبايب وتجمعنا المودة
عسا الله لا يغير علينا
نسولف تعطرنا الأماني
وكل من أشواقه يعني
أنا بحمد المولى عطاني
حبيب صدوق هام فينا
ملكني بطيبة والمحبة
وأنا أدري مكاني وسط قلبه
حسين النبا معروف دربه
نحبه ولو يزعل علينا
ترا الليل وأنسام الهبايب
لها ذوق في قرب الحبايب
يسليك عن دنيا العجايب
وتفرح ولو قلبك حزينا
____________________
عاش من شافك
عاش من شافك حبيبي
وين كل هالغيبة عنا
كان ها ظروفك رضينا
كان ها غيره زعلنا
حلم ولا علم شوفك
ولا أنا أكذب عيوني
من كثر ما أنا انتظرتك
شوقي وصلني جنوني
يا هلا والله بحبيبي
الي ما اتحمل بعاده
كل هالغيبة تغلي
ولا أنا شوقي بزيادة
والله لك في القلب وحشة
يا حبيبي وأنت غايب
وأفرحت عيني وغرت
فيك ياأغلى الحبايب
__________________
غالين
غالين والله ما بها زيف وخداع
والحب واضح في كلامي وشعوري
غنيت شوقي لك على كل الأسماع
والقلب عندك في غيابي وحضوري
مهما أصادف ما لي بغيرك أطماع
باهي جمالك يرضي ذوقي وغروري
يلي بحنانك تنتهي كل الأوجاع
أنت الوحيد بدنيتي شي ضروري
حبك ملكني واستقر بين الاضلاع
وانفاسك العذبة عبيري وعطوري
امري بايدينك واحكم بكل الاوضاع
وانت المخير بين حزني وسروري
______________________
تفنن
تفنن في طروق الحب شرقني وغربني
معك يا زين دوخات الهوا ويا حلو مشواره
وغرّد في سما سمعي أبي تحكي وتطربني
سواليفك مطر عمري ربيعي ضحكة أزهاره
حبيبي يا بعد كلي وكلك صدق تعجبني
فغيباتك وصداتك وتلويعك وتكراره
تجنن كل ما أشوفك أحس انك تذوبني
وتضيعني من دنياي من شب بخافقي ناره
جمالك ناهب قلبي وتفكيري وناهبني
وجمالك يا رقيق العود عود تعزف أوتاره
تولعت بتصانيفك وتعذيبك يولعني
وعلى أي حال راضي بك شمس العمر وأنواره
_____________________________
سر الإعجاب
قالت وش أكثر شي يعجبك فيني
قلت بصراحة كل ما فيك جذاب
اسمك ورسمك والشعر والجبيني
وعيونك وصوتك وخدك والأهداب
قالت تبالغ قلت لا صدقيني
ترا وصوفك ما بها شي ينعاب
ما كن كل الليل للعاشقيني
وما كن كل الوصل ما بين الأقراب
كلك على بعضك كذا تعجبيني
وفي كل يوم لك يزداد الإعجاب
يا شمس عمري ويا دفاي وحنيني
جيتك حروف الحب وعيونك كتاب
بالحيل أحبك يا رجاوي سنيني
وحبك فتح للعاطفة كل الأبواب
إحساسي الصادق معك يحتويني
وإحساسي لغيرك من الناس كذاب
عمر الغرام إن طال بينك وبيني
لا تسأليني يوم عن سر الإعجاب
__________________________
مطلع الشمس
وش هالذي عيني تشوفه
وجه البدر أو مطلع الشمس
الله يا محلى وصوفه
للحسن هذا ببصم بخمس
لو تلبس الوردة كفوفه
يبين بأنامل كفه اللمس
وان هبت النسمة تلوفه
خايف يصيبه منه هامس
لا ما تملل عيني شوفه
لا اليوم ولا باشر ولا أمس
روحي على روحه شغوفه
فل يريح القلب والنفس
كل سألني عن ظروفه
وأهمس لهم عن صاحبي همس
اسمه معي واعرف حروفه
والناس قالوا مطلع الشمس
______________________
حبكم وسط الحشى
حبكم وسط الحشى سادي
لو جبل ما اتحمله كله
ويل منهو مثله فوادي
شان طول الوقت قد حله
جيت مثل الشمس متفادي
يا شفا روحي من العله
روف بي يا غطن الأنهادي
وارحم الي منك في عله
ويا عشي در يوم لبلادي
ويا سفر هذا الوطن كله
الجدم لي نشم تهادي
مثل بزع الحب في حله
وآه يا من كثر سهادي
مر ليل ما غضا كله
يا حمد عوكي انا زادي
اشفري لي ما شي أي بالله
جيبيني يا نسل يوادي
لا يفوت العمر بي كله
_______________________
الله يجيبك
الله يجيبك يا مبعد حيل عني ليتك قريب
خلي الليالي سعادة وينك تعال
العمر لحظة لالا تطول علي لا لا تغيب
البعد والله ما أطيقه ما أحلى الوصال
لا شفت زولك كأن الليالي تغني جاك الحبيب
اشرق بوجهك علي كافي دلال
اسمك في دمي يسرق عيوني وقلبي سحرك غريب
والشعر لين تموج وجفني مال
يا نور عيني كل الجروح القديمة لجلك تطيب
لا من تبسم حجابك ما به محال
_______________
كيف اسيبك
كيف أسيبك
وأنت نظر عيني وأنا حبيبك
إن حصل واختلفنا
أو في يوم تركنا
شوقي يعنيني
وأنت يجيبك
أصلك وطيبك
الي بيني وبينك
أكبر من سوالف
دام روحي بايدينك
ليه يا عمري خايف
الله لا يغير الحال
ونبقى مهما الزمن طال
____________
أهنيك
أهنيك قدرت تبدد الأفراح
أتاريك ألم وجراح فوق جراح
هذا جزا الي في حبك صبر
ما جنا غير الأسية والقهر
إن كان هاذي حكمة الله والقدر
أنا راضي طول بعدك والهجر
بطل تستاهل وسام
تنام وغيرك ما ينام
بارع في رمي السهام
والمكر عندك غرام
ما قوى باسك وأنت لاهي وما تحس
فاقد الإحساس لا يمكن يحس
آه من جور الأيام
وعودك كانت كلام
وهم في وهم وظلام
صحيت من أحلام أنام
هانت الأيام وهانت عشرتي
من أعز الناس سالت دمعتي
____________________
يتبع
الزين
الزين هذا حلو وزين
خصه يا ليل لبس القلايد
فتان يسقي القلب والعين
فيه الحسن والزين زايد
ما شفت أنا في وصفه اثنين
ترفه الصبا غض النهايد
من وين هذا الريم من وين
لي صار للغزلان قايد
مفنود عن كل المزايين
نوره لنور الشمس عايد
في مبسمه در مستامين
يكن ودانه الفرايد
عودي إذا هب الهويلين
فارع ومياس ونايد
تحلى به الأوصاف وتزين
وتزين به حتى القصايد
_____________________
يا فاتنّي
يا ناسي العشرة
يا ناكر المعروف
صبرك يجي بكرة
وأذكرك وتشوف
إن الليالي تدور
يا فاتن الموروف
هيا كذا الدنيا
عشنا وشفناها
تعطي وعود ياما
لكن بتنساها
خلك يعيد وارحل
اتركني للآلام
لا تمر ولا تسأل
يا مضيع الأيام
بكرا الليالي تدور
يافاتن الموروف
صحبة ورفيق وليل
عشناها في قربك
شفنا السعادة ويل
والحزن في قربك
خليت عشرتنا تهون
ضيعت أحلى الذكريات
لو كنت أعرفك تخون
ما بعتلك عمري الي فات
____________________
الدنيا حظوظ
الدنيا حظوظ الدنيا حظوظ
والله رمى حظي معاه
عندي حبيب ما له حبيب
إلا الذي يمشي برضاه
من وين يا ناس من وين وين
ألقاها يعني في هواه
أصبر عليه وان غاب اجيه
وهو يتحداني بخطاه
إن قلت أبيه شالحل فيه
جاني فرضه أو سماه
أنا بجهاد وهو بعناد
والمشكلة يعرف غلاه
إن جيت أقول الشرح يطول
أشرق وتمنعني الدموع
مسك الختام وآخر كلام
لا عاد حبك في خضوع
______________
المزيون
عليك ما ينخاف كل يحبك
مزيون والمزيون عشاقه كثار
كل خطب ودك وصلك وقربك
تسهر لك عيون وتكتبلك أشعار
توك صغير والهوا ما لعب بك
الله على حسنك لفت كل الأنظار
ما أدري سعيد الحظ منهو بقربك
يا حظ من قلبك يحبه ويختار
عز الله إنه من صدفك ونظر بك
تشعل ضلوعه يا شبيه المها نار
معذور من يتعب عيونه بدربك
من شاف زينك غصب يازين يحتار
__________________
يسري الليل
يا صاحبي لا يسري الليل بدري
خلك بوسط الدار لا تجرح الليل
الليل توه وأنت خليت يسري
ولليل ناس ما تمل التعاليل
خلك على تجريح الأحباب حذري
ما تدري بين عيني وصدري
يا فرحة الماضي وخوف المقابيل
شوفك هناي وأنت والله تدري
والله أنا مشتاق يا صاحب الحيل
للقلب عين وأنت للعين معزي
يا مجرح القمرة بسود مظاليل
الدم يجري في عروقي وتجري
أنا الصحاري وأنت معشوقها السيل
يضيع في وصفك كلامي وشعري
أشبهك بالريم وأوصفك بالخيل
________________________
أخضر عنيد
الله عليه أخضر عنيد
كل يوم له نصر جديد
هذا البطل طال السحاب
هد الصعاب لو هي جبل
يا محقق الحلم البعيد
هدفت يا أخضر هزيت كل شعور
أبدعت وأكثر وصفقلك الجمهور
بالفن شلت العلم والكاس
بالفن فزت بقلوب الناس
في العز يكبر صرح بنته جهود
وإن جاه يخسر هذا عرين أسود
فيصل إلي بنى البنيان
فيصل ايده بيد سلطان
________________________
استغنيت أنا عنك
استغنيت أنا عنك
خل ينفعك ظنك
خلك تذوق جراح
تذكر زمان راح
يمكن يفيق ظنك
لا تدق على بابي
وابعد أنا ما أبي
اسمع فيوم طاريك
مليت أنا ما أبيك
ما عادي لو تدري
يزورني طيفك
بدلت أنا ما أدري
ماني على كيفك
_____________________
آه يا قلبي
وشلون أصارح حبيبي آه يا قلبي
وأقول له إني أحبه آه يا قلبي
أخجل أصارحها وأقول اهواك
وأدني أصابعها وروحي بيمناك
مكحل أهداب العيون تسحرني نظرتها
من فوق غضات الشفا يف يا محلا بسمتها
أرجوك ساعدني بالروحه والجيه
انصحت يبعدني ببحور وهميه
يا ليت ضمتي يزول وقت ما أشوفه
والحكي منه يطول وتسعدني عيونه
إنتي حياة الروح ما أعيش من دونك
وإنتي نظر عيني تسلملي عيونك
عجز لسانك يوم يبين الخافي
ولا دموع العين تكشف لك أسراري
_________________________
كفا ما جرالي
كفا ما جرالي يا غلا منك وجالي
كفاني ترا حكم الجفا منك يكفيني
عيوني لكم تاهت ورمشي وأجفاني
ونار الشقا والشوق في القلب تكويني
أنا الشوق من جور الجفا يان في أعياني
وأنا الوجد من جود العنا عاد مشقيني
حلا الحسن في رمشك على الحب والزاني
تبعتك ولا أدري وين دربك موديني
سلبت الخفوق وايش تبغى بعد ثاني
ترا الروح في كفك وحبك معنيني
تعبت أشتكي منك وحبك تبلاني
تعبت أطلب وصالك ولا تبغي تجيني
________________________
على كيفك
على كيفك يجي كيفي أنا لك رهن ما تأشر
بغيتك تطلب عيوني وأشوف بمطلبك عفه
تدلل يا نظر عيني حشا ما أقول غير إبشر
رهنت العمر في حبك ولو يلقى معك حذفه
أنا يا حبي الصافي معك في الخير أو في الشر
وهبتك قلبي الوافي في ليلة حبنا زفه
تزين بقربك أيامي ولا غيرك معك يخسر
إذا حب العرب كفٍ وحبك راجح بكفه
حلفت الحب ما يرخص ولا عن سرنا بنشر
بسافر في بحر حبك الين أرسي على ضفة
______________________
خمس سنين
على ذكرى اللقا لي هو جمعنا قبل خمس سنين
تعالي نحتفل نفرح بذكرى عامنا الخامس
تعالي نشعل شموع الوفا ونعيد الاثنين
نغني لحبنا الغالي دخلنا عامنا السادس
أحبك عد ما دق الخفوق وما رمشتلي عين
أحبك عد ما نور غرامك عمري الدامس
غلاك بخافقي يكبر مع الزمن ويزين
ويزهر في وسط قلبي غصن قبل أعرفك يابس
تعالي نسهر ونسمع حديث الحب في قلبين
وكيف أرواحنا دايم بحب وشوق تتهامس
وكيف الحب جمعنا سوا قبل خمس سنين
وكيف بعشقنا نشعل ليالي عامنا السادس
_______________________
بمزاجي
هذا طبعي وانتهاجي
حتى لو قلبي يناجي
يوم أفوتها حبيبي
لك أفوتها بمزاجي
أنا من طيبي وذوقي
لك أوضح كثر شوقي
بس لو تجرح خفوقي
عندي لك روحي علاجي
قلبي ما ينكر وجودك
ما نقض مرة عهودك
وأنت تتعدى حدودك
تفتكرني فيك لاجي
لا تتمادى في دلالك
أو علي تشوف حالك
عايش بدنيا خيالك
للأسف في برج عاجي
لا تفكرها شطارة
لما تسقيني المرارة
ترمي الناس بحجارة
وأنت في بيت زجاجي
لا تتكلم عن غرورك
أو بعمري وش هو دورك
خليني مقدر شعورك
لا تعكر لي مزاجي
_____________________
خلك معي
خلك معي دايم وأنا أكون مبسوط
لا تغيب عني يوم ويضيق صدري
قلبي وهبلك صادق الحب مصدوط
ولا على غيرك من الناس ما أدري
ما أدري وش الي بالهوا شاطني شوط
ولا ترى قلبي من الحب حذري
طبعي هواوي لكن اليوم مظبوط
صار الوفا بدمي اليوم يسري
حبك غزاني دون تحذير وشروط
وأثر على طابع سلوكي وفكري
صوتك وهمسك والحلا فيك مفروط
لا صرت أنا مجنون بجبك العذري
_______________________
يا مميز
يا مميز في جمالك
في وصوفك في دلالك في حلاك
كل شوقي والودادي
لك تمركز في في فؤادي
يا ملاكي يا ملاك
وجد قلبي يالوجودي
في بعادك يالعنودي
يالغلا زايد غلاك
في حضورك أو غيابك
قلبي بنبضة سرابك
محد بقلبي سواك
داو روحي من جروحي
بنظرتك يا روح روحي
رمش عينك لي هلاك
كل ما تزعل عليا
ضاق وسع الكون فيا
وكل رضايا من رضاك
يوم نور البدر لاحي
فيك يا سيد الملاحي
شعل نورك في سماك
أعترف إني أحبك
وأقبل بسلمك وحربك
وعمر قلبي ما نساك
_________________________
يتبع
لوقت ما لون
الوقت ما لون عزيزي لي الأشناب
وهو الخبير الي ضوى الناس ضياه
عشته ووجهي واحد بكل الأهداب
مالي من الي كل يوم بمحياه
يا من غلاكم طارق بصدري أطناب
وشد الحبل من العروق وجفياه
لي قلب ماله يوم ذر توبه أبواب
أرميه لو للي يباهي تهياه
مجلس لمن يحفظك وياه إذا غاب
مملوك للي قدرهم في الثريا
يعمي زمان غير قلوب الأصحاب
شان لقا ممشاه فيكم وفيا
نصحى ونرضى ونطغضى لك عتاب
إن ما سمعنا همس صوتك وحياه
واسمع لظن أنفاسك إذا يوم تنصاب
أنت هناك وصوت آهك هنيا
هذا العتب كله يبا روسي الأسباب
حيا الضمير الي بذا ملك حياه
صوتك على سماعي مدى الوقت ما غاب
وأنت العزيز الي للعيون ضياه
كيف تحاسب من له حقوق واحساب
وغيابكم ري المعاليق ريا
بلومك واللوم لضلوع الأنساب
ما يصلح التقصير للحمية
______________________
كل العالم
مو فرحك أنت وبس هاليوم بالذات
أحس كل العالم يعيش في عيد
الورد وقلوب الحبايب والآهات
والناس من فرحك وسعدك مساعيدك
أقولها مرة ومرة ومرات
هالليلة أمستلك شموع وزغاريد
يا كوكب هيهات ينطال هيهات
يا ظبي تجفله قلوب المواريد
غنتلك ألحان القصايد والأبيات
يعلا الفرح في عمرك يزيد ويزيد
في يوم فرحك لك تزف التحيات
وتبارك لقلبك بهااليوم وتعيد
يامن سمعتوا الصوت ردوا بالأصوات
يلا ارزفوله والعشي ياخذ البيد
هنوه وقولوله بهاليوم بالذات
عسى حياتك في سعادة وفي عيد
__________________________
القدر محتوم [ أغنية لمسلسل]
وين الأمان
لا صوتي نسمعله ولا نعرفله مكان
تاهت الخطوة
وضاعت رحمة الإنسان
يا رحمة الرحمان
آه يا دنيا
ضعنا في دربك وتهنا يا دنيا
القدر محتوم ومن غدرك شربنا
شوفي وش سويتي فينا
شوفي منك وش خذينا
هذا طعمك هذا لونك
والألم داير في كونك
والفراق الي نخافه
كل واحد منا شافه
يا دنيا وين الصبر
يكفي صبرنا دوم
ما عاد فيك الوفا
صرنا نحسه بيوم
ياما عطينا ما خذينا
غير الحزن وهموم
________________________
يا عويد البان
يا عويد البان يا خلي
يا فريد الحن بأخوانه
روف بي يا كامل الزلي
لا تعذب نفسي ولهانه
غيركم يا زين أنا من الي
منقيتك من الغزر دانه
معك عفت الكون بالكلي
مالي في غيركم خانه
أنت شمسي وأنت لي ظلي
وأنتي لي تسحرني أعيانه
عين خشف الريم المغلي
والجدود ورود بأغصانه
والخشن كالسيف منسلي
والشفايا حمر روايانا
اتلعن والجيد متعلي
والشعر طايح على متانه
يا بديع الحسن لا تنلي
بهواك الروح شفقانه
شوفني من الحب متعلي
عاكف عالشعر وأوزانه
_________________________
في كلامك
في حضورك في غيابك
ما يغير لي مزاجي
في كلامك في ملامك
ما تكدر لي طربها
لا تحسب إن كل قلب
انعكاسه كالزجاجي
وإن ياخذ كل عين
داخله ويعلن نهبها
كيف عذرك عقب هجرك
وأنت برجك برج عاجي
شفت نفسك مثل شمس
للنهار الله وهبها
من عطالك حق تجرح
من يقول إنك علاجي
لا تسولف عن علاجي
والجروح أنت سببها
لا تناجي في عتابك
العتب غير التناجي
خذ مقامك باحترامك
لا تبين لي عتبها
قال ناجي كيف أناجي
بالهوا شخص احتجاجي
صار قدره مثل عذره
يشبه ذنوب ارتكبها
لا تتلاعب بالمشاعر
دام بحر الشوق هاجي
المشاعر نبض شاعر
والحضيض الي كتبها
وأنت يلي صرت خلي
احذر أقوال المتاجي
قال كلمة لوم لكن
ما عرف كيف يحسبها
_____________________
يا وفية
يا وفية والوفا ساس اليدود
عندنا عالي ويعلا مستواش
بالكرم والجود لك شان ووجود
والصفوة والسخا في ملتقاش
بين ناس الكل محبة ومعقود
نفرح بفرحش ونرضى من رضاش
لش غلا ما تحس لوصيفه حدود
يا بدر عالي بنور به سماش
لش بحر غزرة قدر ماله بنود
يقطع التيار والكاسر غلاش
يعلا كل الوقت وأيام سعود
يا رفيع الشان والخالق حماش
_______________________
أنا أتحداك
أنا أتحداك لو تقدر
تفقد احساسك من أجوائي
شوف بعدي عنك واتصور
من حياتك تفقد أجزائي
دام أحاسيسي هي المصدر
كيف تحيا بموقع نائي
من دهاه الحب ما يصبر
ويسمح لغاليه لأخطائي
من يشوفك غصب يتخدر
فاتن وأسلوبك إغرائي
بعينك أتجمع وأتبعثر
من يجمع خلي أشلائي
يحق لك في جوي تسيطر
وتتخذ بي أية إجرائي
ما أعتقد في دنيتي أخطر
من حضورك بين الأسمائي
ما اكتفيت بزينة المظهر
فايز بأشياء أشيائي
بين دبي وجوها المبهر
أستلم شعري وإمضائي
أنت تآمر يالغلا أشر
يا سفر هالكون وأضوائي
بر أو ردني أبحر
لأجل عينك صرت برمائي
___________________
هلا
هلا بلي سبا قلبي وأخذني حسنه بقوة
سلب روحي وأخذ صبري وأنفاسي من ايديا
أحس إنه لعبت القلب لعبة شاطر وموه
بيبعثرني ويجمعني رجا وأحلام ورديه
إذا نور ظلام الليل عرفت إن الفجر ضوا
تبسم من جبينه مبسم الصبح وضحك الضيا
إذا سلهمت من جوي في جوه
وراح جوي وقال حيا
أتاريني بحسنه طحت وأنا أظن في الغوا توه
وكيف إن الهوا توه وأنا غرقان في طيا
تعلقنا وصار اليوم نو القلب من نوه
مع إني قبل هذا اليوم كانت في نيتي نيه
قبل يطري الحسن حسنه لفظ قبل اسمه سموه
تسامت بسمة الحسن وصارت لح سحب وسميه
تقول ارفق عن حبك وعقب الي تبي تسوه
ترى ميتك إذا شافك ترد الروح ليا
حبيب خاطري عنك ما بداله عقوه
ومن شرواك يغطن شمس الخاطر وفيا
إذا كان الحيا يمنع ما تمنعك المروه
وإذا خايف من الحساد كل راحة الحيا
__________________________
تلفوني
يا مرحبا يا مغلط في تلفوني
مسموح مسموح والغلطات عفوية
صفرين تسعة وستة ستة تموني
هالرقم هذا فتح خط السعودية
يوم قلت لبيك تآمر هذي عيوني
فتحت ذا القلب والنية على النية
خليت لك يا حبيبي بيت فرعوني
يخربط الناس بالروحات والجية
وخليت لك في عيوني ركن وضعوني
تزعل وتنزل تحت جفني وفوقيا
يا صاحبي وان مشا أدري طيفك اشلوني
أقول طيب وطيفك فيه ماريا
مارية يوم تقبل تجدب الحوني
وأجر له من بحور الشوق قافية
ريحني يا قاصد الغلطات مكنوني
وأنا رومنسي أحب أصل الرومنسية
من دونك أعيش وأنت تعيش من دوني
يا لين أنا من صوتك لحن بو حيا
ضجت زوايا خفوقي وأنشد ركوني
وأنا ولد شيخ لي هيبة وشخصية
الأرض أرضي وكون المرجلة كوني
لكنه الحب والعاشق وطاريا
تكفون يا ناس بالله لا تلوموني
الصدفة الي بلا ميعاد جبرية
سموني العاشق المغرم وسموني
الشاعر الي قصايده ارتجالية
أنا بل من فكر راسي ومظنوني
لكن أنا بالغلا ما هي بذرية
وأغني البيت متراكب وموزوني
مبدع مجنون وأفكاري خيالية
يا نجدي ودي أغني بك على هوني
حورية الأرض فوق الأرض نجدية
يا مرحبا يا مغلط في تليفوني
مسموح مسموح والغلطات عفوية
___________________________
يا حبيبي
أنت الدنيا وكل شجوني
وأغلى شي بعيوني
يا حبيبي
يا روحي وعيوني كل عمري يفداك
انت ظي عيوني يكفي بس رضاك
يا عمري انت
وكل حبي انت
يا حبيب القلب وخله
تستاهل عمري كله
يا حبيبي
يا روحي وعيوني كل عمري يفداك
انت ظي عيوني يكفي بس رضاك
يا عمري انت
وكل حبي انت
راحة عمري وانت فقربي
وقلبك ساكن قلبي
يا حبيبي
ياغالي ياغالي من لي غيرك انت
يا حلمي وخيالي ما بي غيرك انت
ياعمري انت
وكل حبي انت
______________________________
يا خوي
يا خوي وينك صرت ما عاد تنشاف
زعلان ولكن ما أبي قطاعه
في غيبتك النا عسا ما به خلاف
حتى بصوتك بخيل في سماعه
وين العدالة بالمحبة والانصاف
يومك تغيب ايام وتطل ساعه
والعشرة الي ما لها اساس واهداف
تضيع في لحظة زعل أو اشاعة
أنا أعرفك طيب القلب شفاف
مفروض من راعك بالوصل يراعه
جربنا نسأل عنك كاهن وعراف
ونشوف من غير علينا طباعه
___________________________
مشفي جروحي
وين انت يا مشفي جروحي
يا ما انت وسط القلب حليت
لو كنت تعلم كثر نوحي
ما كنت يالغالي تغليت
إن كان لك قلب سموحي
وعهود حبي ما تناسيت
ما كنت تتركني وتروحي
ارجع ترى لك في الحشا بيت
أهواك وبحبي أبوحي
واعشق دلالك لو تماديت
وأنا لك محب طموحي
مهما تباعدت وتخليت
اشتاق لك شوق جموحي
يا من على قلبي توليت
يا حلم عمري ويا طموحي
يا حبي وكل ما تمنيت
افرح إذا طيفك يلوحي
في ناظري لو يوم مريت
يتعانق روحك وروحي
وأهيم بك ليمن تباديت
__________________________
يا صاحبي _ راشد+ عبد المجيد_
عبد المجيد:
يا صاحبي وش فيك قاعد لحالك
ليش انت متغير ومشغول بالك
صارحني قاسمني عناك وهمومك
ما اطيق اشوفك متعب الهم حالك
راشد:
يا صاحبي ضاقت علي الليالي
بلي شغل قلبي وفكري وبالي
خوفي اسولف واخسر انسان غالي
يا أخسرك أو اخسر الي في بالك
عبد المجيد:
حيرتني واحترت بلي تقوله
إن كان عندك سر بالله قوله
ما عاش من يخسر غلاك بسهوله
ولا عاش من يقطع بعمره وصالك
راشد:
خايف اقول واصدم احساس قلبك
واحد لعب بي في الغرام ولعب بك
هو حبني وانت تفكر يحبك
لا هو وفا لحبي ولا هو وفا لك
عبد المجيد:
يعني أنا وانت بهالحب ضعنا
والي نحبه يا حسافة خدعنا
مثل غرامه وأتقن الدور معنا
والغدر طال احساس قلبي وطالك
راشد:
هذا الذي هو صار بينك وبيني
واسهر عيونك في غرامه وعيني
كلمة احبك لي تجي لك تجيني
والشوق نفس الشوق جاني وجالك
عبد المجيد:
يا صاحبي مهما تكون الحقيقة
لو تشتعل في القلب مية حريقة
أنا من الي صعب يخسر رفيقه
لجل المحبة او ابدل بدالك
راشد:
وانا من اجل الحب ما اخسر رفيقي
ولا اغير عن طريقه طريقي
والي جمعني معك حب حقيقي
لك ما تبي حتى حياتي فدالك
__________________-
يتبع
غرشوب
حبيت غرشوب ولعني ولوعني
واسقاني الحب في كاسه واشقاني
دلوع ما ادري وش الي فيه ولعني
كل ما تركته أعود لدنيته ثاني
إن قال احبك يحاول ما يسمعني
يلعب بأعصاب قلبي بس يهواني
لكن ساعة يدلعني
الأربعاء مارس 24, 2010 10:12 am من طرف 
